بِسْمِ اللهِ الرَّحْمنِ الرَّحِيم

Me emrin e Allahut të Gjithëmëshirshmit, Mëshirëplotë!

Çdo lavdërim dhe falënderim i përket Allahut, Zotit të botëve. Salati dhe selami qofshin për robin dhe të Dërguarin e Allahut, Muhamedin, për familjen e tij dhe për të gjithë shokët e tij!

Objektivat e pjesës së shkronjave

Fëmijët:

• të njihen me katër format e shkronjave arabe,
• t’i emërtojnë ato,
• ta ushtrojnë shkrimin e tyre,
• të ngjyrosin shkronjën arabe dhe emrin e saj në shkronjat latine,
• të ngjyrosin fjalët arabe që fillojnë me secilën shkronjë dhe përkthimin e tyre në gjuhën shqipe,
• të pasurojnë fjalorin me fjalë nga gjuha arabe dhe gjuha shqipe,
• të vërejnë se në gjuhën arabe fillojmë të shkruajmë nga ana e djathtë në të majtë, ndërsa kur shkruajmë në gjuhën shqipe, fillojmë nga e majta në të djathtë,
• të njihen me tri zanoret e shkurtra: fet’ha, kesre dhe damme,
• të dallojnë dhe krahasojnë fjalët në të dy gjuhët,
• të zhvillojnë kreativitetin e tyre me ngjyrosjen e figurave, të cilat fillojnë me secilën shkronjë arabe,
• dhe në fund ushtrojnë kujtesën duke i kujtuar emrat e figurave që janë paraqitur vetëm me shkronjën që fillojnë.

Shpresojmë që ky libër të jetë ndihmesë jo vetëm për leximin e Kuranit, por edhe për mësim të gjuhës arabe!

Objektivat e pjesës së numrave

Fëmijët:

• të njihen me numrat arab si grafikë, sasi dhe emër,
• të numërojnë,
• t’i dallojnë numrat arab dhe numrat shqip,
• t’i ngjyrosin numrat dhe emrat e tyre,
• t’i shkruajnë numrat duke bashkuar pikat,
• t’i ngjyrosin figurat.