Libri “Tregimet më të bukura – niveli i dytë” është vazhdim i nivelit të parë dhe përmban shkronjat nga DH deri te LL, sipas renditjes së alfabetit të gjuhës shqipe.

Secila shkronjë përfshin katër fusha mësimore: tregim, emrat e Allahut, akide dhe hadith. Përmes këtyre temave, fëmijët mësojnë njohuri të dobishme islame në mënyrë të strukturuar, të kuptueshme dhe tërheqëse.

Në këtë libër gjenden: dymbëdhjetë tregime, tridhjetë e një emra të Allahut, dymbëdhjetë mësime nga akideja dhe tetëmbëdhjetë hadithe për mësim përmendsh, përveç haditheve të tjera që përmenden brenda mësimeve.

Njohuritë e përfshira në libër u lehtësohen fëmijëve përmes ushtrimeve të ndryshme, si: fjalëkryqe, labirinte, gjej fjalët, sudoku, kriptograme dhe ushtrime të tjera të larmishme, të cilat ndihmojnë në përsëritjen dhe përforcimin e mësimeve.

Libri është testuar praktikisht me një grup fëmijësh të moshës 7–10 vjeç, nga vetë përpiluesja e librit, para botimit të tij.

Ky nivel është i përshtatshëm për fëmijët që kanë përvetësuar njohuritë bazë dhe janë të gatshëm të vazhdojnë me mësime më të zgjeruara rreth tregimeve, emrave të Allahut, akidesë dhe haditheve profetike.